Інтэлектуальная супольнасць Беларусі

URBI ET ORBI: публічная лекцыі Алены Танкачовай "Праваабарона: палітыка ці грамадскі інтарэс? або ча

: kilometra; May 23rd, 10:42

Усе чалавечыя істоты народжаныя вольнымі і маюць правы ад нараджэння.
Яны маюць розум і сумленне, і павінны адносіцца адзін да аднаго ў духу братэрства.

Дэкларацыя правоў чалавека

У сучаснай еўрапейскай культурнай прасторы ўяўленне пра неабходнасць захавання і абароны правоў чалавека стала ўжо аксіёмай. Асноўныя правы зафіксаваныя не толькі ў міжнародных дакументах, але і ў нацыянальных канстытуцыях. Агульныя курсы па правах чалавека выкладаюцца ў навучальных установах. Самыя шырокія колы насельніцтва маюць уяўленне пра паняцце правоў чалавека дзякуючы сродкам масавай інфармацыі.

( Чытаць далей... )

Лекцыя адбудзецца 25 мая ў “Арт Сядзібе” (вул. Куйбышава, 22, ГЦ “Гарызонт”, 2-гі паверх). Пачатак а 18.30. Уваход вольны!

Online-трансляцыя лекцыі

Вашай увазе поўны тэкст інтэрв’ю лектара

Urbi et Orbi: публічная лекцыя Паўла Баркоўскага “Герменеўтыка сацыяльнага”

: kilometra; May 8th, 19:11

Зразумей мяне! Чаму ты мяне не разумееш?! – як часта нам даводзіцца чуць падобнае ці прамаўляць самім. Але чаго мы насамрэч прагнем, калі звяртаемся да іншага з падобным запытам? Каб далі рады нашым матывам, абставінам, нутраному свету, сымбалічным абавязкам, сацыяльнай пазіцыі?.. Усё гэта можа мецца на ўвеце, а можа і нічога канкрэтнага: проста жаданне псыхалагічнага камфорту ў межах камунікацыі.

( Read more... )

Лекцыя Паўла Баркоўскага “Герменеўтыка сацыяльнага” адбудзеццца 11 мая ( пятніца) у Галерэі Ў а 18.30

Оnline-трансляцыя лекцыі

URBI ET ORBI: Улад Вялічка “ГРАМАДЗЯНСКАЯ СУПОЛЬНАСЦЬ І ЕЎРАПЕІЗАЦЫЯ БЕЛАРУСІ: Mission(im)POSSIBLE!“

: kilometra; April 25th, 17:30

У кожнага з нас ёсць рэчы, адносна якіх мы можам сказаць “нам не ўсё роўна”. Для кагосьці гэта дзеці, кар’ера, заробак, курс даляра, кошты на прадукты… Для кагосьці – зневажанне правоў чалавека, выкананне несправядлівых прысудаў, узровень і якасць адукацыі, лёс нацыі, будучыня краіны… Гэтае “не ўсё роўна” вызначае нашыя паводзіны адносна праблемаў, якія мы выдзяляем як прыярытэтныя. І тое, якім чынам мы вырашаем гэтыя праблемы, паказвае, наколькі беларусаў можна назваць грамадзянскай супольнасцю і еўрапейскай нацыяй.

27 красавіка ў цыкле публічных лекцый “Urbi et Orbi” чалавек, якому “не ўсё роўна”, што адбываецца з краінай зараз і якая будучыня чакае Беларусь, - грамадскі дзеяч, старшыня міжнароднага кансорцыума “ЕўраБеларусь” Улад Вялічка заклікае нас да асэнсавання феноменаў “грамадзянская супольнасць” і “еўрапеізацыя” у кантэксце беларускіх рэалій.

( чытаць далей )

URBI ET ORBI: публічная лекцыя Андрэя Расінскага “Унікальнасць тыражаванага”

: kilometra; April 12th, 14:17

Публічныя лекцыі цыклу “Urbi et Orbi” арганізуюць прастору і час такім чынам, каб даць мажлівасць лектару звярнуцца да інтэлектуальнай супольнасці і ўсіх зацікаўленых беларусаў з тым, што ён лічыць важным і актуальным у культуры і грамадскім жыцці Беларусі.

13 красавіка лекцыяй “Унікальнасць тыражаванага” культуролаг Андрэй Расінскі правакуе публічнасць “Гораду і Свету” на дыскусію пра тыражаванне як механізм унікалізацыі культурнай з’явы, сцвярджаючы: “Толькі тое, што патэнцыйна тыражавана, што распачынае ці завяршае тыражную серыю, з’яўляецца ўнікальным. Нетыражаванае - выпадае з камунікацыі”. Лектар прапануе разгледзець тыражных герояў, тыражныя гісторыі і сюжэты, біяграфію аўтара як адну з матрыц тыражавання; інтрыгуе трохкутнікам тыражавання як абавязковай умовай паспяховасці, закране нават сакральныя рэчы - прыклады паспяховага тыражавання ў Бібліі, а таксама разважае пра вірусныя хваробы камунікацыі як тое, што блакуе сістэму глыбінных матрыц тыражавання. Апошняе закранае адну з сур’езных праблем актуальнай культуры беларусаў: “Зараз у нас афіцыйная культура - гэта культура смецця. Прычым смецця, якое мусіць заблакаваць камунікацыю як такую, заблакаваць тыражаванне як такое. Гэта вірусная сістэма, калі ўсё забіваецца “шумам у эфіры”. У нас няма творчых асяродкаў, людзі не бачаць і не чуюць адзін аднаго!” - зазначае Андрэй Расінскі ў сваім інтэрв’ю.

( Read more... )

Urbi et Orbi: публічная лекцыя Ірыны Дубянецкай “1000 гадоў без Бібліі: беларускія біблійныя перакла

: kilometra; March 21st, 12:43

…ці спазніліся беларусы на свой цягнік? Тое, што пераклад з арыгіналу мусіць быць зроблены – сумніваў няма. Але ці адыграе ён тую ролю, якую адыграў у іншых народаў у часы Рэфармацыі ці напачатку ХХ стагоддзя?

Ірына Дубянецкая, з інтэрв’ю tut.by

Пераклады Бібліі на многія мовы паспрыялі развіццю пісьменства. Амаль усе сучасныя еўрапейскія нацыянальныя мовы сфармаваліся як літаратурныя пад уплывам біблійных перакладаў.

Беларуская сітуацыя ў дачыненні да перакладу Бібліі ўнікальная. Першыя варыянты беларускай Бібліі ўзніклі раней за большасць перакладаў на іншыя нацыянальныя мовы – Скарынавы пераклад уваходзіць у тройку першапачынальнікаў. Аднак і цяпер, у другой дэкадзе ХХІ стагоддзя, нягледзячы на вялікую колькасць сучасных перакладаў, беларуская мова застаецца адзінаю з еўрапейскіх (і не толькі!), якая так і не мае Бібліі, перакладзенай з арыгінальных - яўрэйскай, арамейскай, грэцкай моў.

Як гэтае становішча адбілася і адбіваецца на беларускай культуры, навуцы, мове, нацыянальнай ідэнтычнасці і нават лёсах нацыі? Ці магчыма яго змяніць? Такія пытанні ставіць перад “Горадам і Светам” доктар філасофіі, доктар тэалогіі Ірына Дубянецкая

Лекцыя “1000 ГАДОЎ БЕЗ БІБЛІІ. Беларускія біблійныя пераклады і еўрапейская цывілізацыя“адбудзеццца 23 сакавіка ў Галерэі Ў (пр-т Незалежнасці, 37а). Пачатак а 18.30. Уваход вольны!

Online-трансляцыя лекцыі.

Філасофія павінна вызваліцца ад актуальнасці

: nicolaev; March 13th, 14:08

бр. Пётра Рудкоўскі OP на відэё : ) (альбо тыц1 + тыц2)
Наўздагон "Слову ў абарону бр. Пётры Рудкоўскага OP" :-)

Urbi et Orbi: публічная лекцыя Пятра Рудкоўскага “Слова ў абарону “неактуальнай” філасофіі”

: kilometra; March 6th, 13:54

“Жыло-было слова такое: modus. Значыла яно: «спосаб», «мера», «рытм». Часам Чалавечая Думка выкарыстоўвала яго ў форме modo, і тады звязвалася яно са значэннем «цяпер», «зараз жа», што, было пэўнай нечаканасцю для гэтага слова. З цягам часу загадана было слову стаць modernus, што бянтэжыла яго, але яшчэ не пагражала ягонай тоеснасці. Захаваць тоеснасць, хоць і з горам папалам, удалося і наступным разам, калі Чалавечая Думка перарабіла яго ў modernismus. Аднак, калі неўзабаве было запатрабавана ад слова стацца postmodernismus, пачаўся сур'ёзны і драматычны крызіс ягонай тоеснасці…

Але на гэтым не скончыліся ўсе выпрабаванні нашага слова. Амаль увадначас з'явілася запатрабаванне на новую ідэю, і слова было перароблена на afterpostmodernism. Трэба чакаць, што неўзабаве Чалавечая Думка, не задумваючыся, выдасць новы дэкрэт: патрэбны antiafterpostmodernism!”

Гэтая “байка пра слова”, на думку філосафа Пятра Рудкоўскага, ілюструе пэўную моду філасафавання, якая з 90-ых гадоў запанавала ў інтэлектуальных асяродках Беларусі, - моду, у аснову якой пакладзена тэхніка канструявання шматпавярховых абстракцый. Філасофская рэфлексія у Беларусі нярэдка явіцца беспрадметнай, эзатэрычнай, зацыкленай вакол канцэпту мадэрн vs постмадэрн, адчужанай ад класічнага філасафавання, у аснову якой пакладзены аналіз - крытыка - аргументацыя. Паколькі згаданая мода філасафавання схільная апраўдвацца спасылкай на сваю "актуальнасць", паколькі шмат энергіі губляецца на беспрадметную дыскусію, што ёсць актуальным і неактуальным, паколькі такая мода і такая дыскусія прывяла да занядбання ўласна філасофскіх даследаванняў, “нямодны”філосаф мае намер выступіць супраць "актуальнасці" філасофіі і прамовіць “Гораду і Свету” слова ў абарону "анахранічнай", "неактуальнай" філасофіі.

Лекцыя філосафа Пятра Рудкоўскага “Слова ў абарону “неактуальнай” філасофіі” адбудзеццца 9 сакавіка ў Галерэі Ў (пр-т Незалежнасці, 37а). Пачатак а 18.30. Уваход вольны!

Online-трансляцыя лекцыі

Чытайце таксама інтэрв’ю з лектарам

09.03.12. Слова ў абарону бр. Пётры Рудкоўскага OP :-)

: nicolaev; March 5th, 15:03

“Партрэт Акудовіча на лекцыі паліць не буду” (video)

Брат-дамініканін Пётра Рудкоўскі прачытае публічную лекцыю “Слова ў абарону “неактуальнай” філасофіі”. Лекцыя адбудзецца ў межах цыкла “Urbi et Orbi” (“Гораду і Свету”) 9 сакавіка (пятніца) па адрасе Незалежнасці, 37а (Галерэя Ў), пачатак 18.30. Уваход вольны! On-line трансляцыя лекцыі -- вольная, гасцявы ўваход.

Ці спаліць брат Беспрацоўны Інквізітар john_cupala
партрэты Акудовіча, Ліпковіча і Чаргінца? :-)
Глядзім альбо чытайма ў інтэрвіі... :-)

6 сакавіка ў Галерэі “Ў” адбудзецца адкрытая дыскусія пра Універсітэт

: kilometra; March 1st, 12:19

Музычныя творы запісваюць у нотах, але музыка існуе ў выкананні.

Мастацкія творы запісваюцца ў тэкстах, але літаратура не існуе без чытання.

Ідэі ж існуюць толькі ў крытыцы і абмеркаванні.

6 сакавіка, а 18.00 у Галерэі Ў адбудзецца адкрытая дыскусія пра ўніверсітэт.

Падставай для абмеркавання і крытыкі стаў выхад у студзені 2012 года кнігі Уладзіміра Мацкевіча і Паўла Баркоўскага «Універсітэт: дыскусія пра падмуркі». Гэта першая кніга ў кніжнай серыі Лятучага універсітэта "Universitas Ludens".

( Read more... )

Публічная лекцыя Андрэя Кудзіненкі

: andersch; February 24th, 5:48

ЦЫКЛ ПУБЛІЧНЫХ ЛЕКЦЫЙ "URBI ET ORBI"

Андрэй Кудзіненка

"Міф пра беларускае кіно"

24 лютага, а 18.30

Кафэ "Лофт"
(вул. Пятруся Броўкі, 22)

“Не было беларускага кiно, i не будзе нiколi…”

(Сцяпан, кінастужка “Акупацыя. Містэрыі”)

Кіно - сон з адкрытымі вачыма. Сон - персаніфікаваны міф. Беларускі кінематограф - гэта проста міф, сон з зачыненымі вачыма ў зале для праекцый чужых малюнкаў.

24 лютага ў межах цыклу публічных лекцый "Urbi et Orbi" стваральнік нашумелага фільма "Акупацыя. Містэрыі", які зняў на"Беларусьфільме" першы беларускі "бульба-хорар"- "Масакру", рэжысёр Андрэй Кудзіненка распавядае"Міф пра беларускіае кіно". Пачынаючы з назвы і эпіграфа, уся гэтая лекцыя - правакацыя, сэнс якой у тым, каб задумацца і паразважаць: ці існуе наогул такі феномен: "беларускае кіно"? Што такое "беларуская тэма", "беларускі міф"? Ці можна суму некаторых кінастужак, рэжысёраў, акцёраў і крытыкаў, якія існуюць асобна, у адсутнасці адзінага працэсу, руху, назваць цэласнай з'явай "беларускім кінематографам"?

Пасля кароткага аналізу гісторыі савецкага беларускага кіно, рэжысёр прапануе разгледзіць шанцы на ўзнікненне, магчымыя формы існавання, жанры, сюжэты - міфы нацыянальнага кінематографа: “Я на лекцыі планую распавесці пра шэсць беларускіх міфаў, шэсць маіх сцэнароў паводле іх – цяпер раскрываць не буду… Бо гісторыя заўжды непраўдзівая, а міф, па-сутнасці, заўжды праўдзівы. Міф стварае культурны бэкграўнд. Грунтавацца трэба на нацыянальных міфах. Прыдумляць іх”.

Такім чынам, лекцыя рэжысёра Андрэя Кудзіненкі “Міф пра беларускае кіно” адбудзецца 24 лютага (пятніца) а 18.30 у кафэ “Лофт”.

Уваход вольны!

Анлайн-трансляцыя лекцыі

Previous 10

belintell

Інтэлектуальная супольнасць Беларусі